Ոսկեպարը տարածաշրջանի հնագույն բնակավայրերից մեկն է։ Ոսկեպար անունն ըստ որոշ աղբյուրների հիշատակվում է չորրորդ դարից։ Այդ նույն անունն են կրում հովտով հոսող գետը և հովիտը եզերող լեռնաշղթան։ Ոսկեպարը եղել է Ոսկեպար գետի ողջ հովիտն ընդգրկող Կանգարք գավառի կենտրոնը։
Գլխավոր էջ » 2013 » Ապրիլ » 30 » Սուրբ Սարգիս մատուռ
23:04 Սուրբ Սարգիս մատուռ | |
Սուրբ Սարգիս մատուռ
 Գտնվում է Ոսկեպարից դեպի հյուսիս՝ մոտ 4 կմ հեռավորության վրա, <<Խաչի դոշ>> կոչվող հանդամասում: Մատուռից պահպանվել է ընդամենը հյուսիսային խորանը, որը մատուռի ավերվելուց հետո նորոգվել է, պատերի մեջ ավելացվել են մատուռի պահպանված խաչքարերից: Մատուռը գտնվում է բլրի տափարակ լանջին՝ փոսորակի մեջ: Ուշադիր զննելու դեպքում պարզ երևում է, որ մատուռը ի սկզբանե եղել է քառաթև շինությաւն, որը հավանաբար ունեցե լէ նաև գմբեթ:Սակայն, անհայտ պատճառներով ավերվելուց հետո, մասնակիորեն նորոգվել է մատուռի միայն հյուսիսային թևը և
այն ստացել է ներկայիս տեսքը: Մատուռի պատերը շարված են  տեղական անմշակ քարից, սակայն շարվածքի մեջ օգտագործված են նաը սրբատաշ դեկորներ:Կառույցի մասին ժամանակագրական տվյալներ չկան, սակայն պատերի մեջ տեղադրված խաչքարերը պատկանում են 12-14դ.դ., ուստի, կարելի է ենթադրել, որ մատուռը ևս պատկանում է նույնժամանակաշրջանին:
Ճարտարապետական առումով մատուռը գուցե և մեծ արժեք չունի, սակայն Ոսկեպար գյուղի պատմության առումով այն հաստատապես արժեքավոր է: Ոսկեպարի հովտում շատ կան նման կառույցներ և նրանցից յուրաքանչյուրը վերաբերվում է գյուղի պատմության մի ժամանակահատվածի: Իսկ նրանց տեղադրությունն ու ժամանակագրությունը օգնում են մեզ վերծանել  գյուղի պատմության ևս մի սպիտակ էջ: Գյուղի բնակչության համար անչափ մեծ է մատուռի հոգևոր նշանակությունը և բոլոր ժամանակներում էլ այն եղել ու մնում է գյուղի սիրված ուխտատեղիներից մեկը: Հ.Ալավերդյան
| |
|
| |
| Մեկնաբանություններն ընդամենը՝: 0 | |
