Հունվարի 11-ի երեկոյան հարաբերական անդորրը նորից խախտվեց հայ-ազերական շփման գծի Ոսկեվանի հատվածում։ Վերջին ժամանակներում կրած բազում անհաջողություններից գազազած հակառակորդը այս անգամ կիրառեց իրեն հատուկ ստոր միջոցներից մեկը՝ գաղտագողի գնդակոծելով հայկական տարածքում արածող ոչխարի հոտը։ Դժբախտաբար գնդակոծության հետևանքով զոհվեց հովիվը՝ Ոսկևանի բնակիչ ութսունամյա Հ․Սարգսյանը։  Սակայն ազերիներին վիճակված չէր ,,մարսելու,, գործած ստորությունը։ Մեր դիրքապահների պատասխան գործողությունների արդյունքում տեղում սատկացվեց ստոր գրոհայիններից մեկը, մյուսը վիրավորվեց։  Դրանից էլ ավելի կատաղած հակառակորդը սկսեց գնդակոծել Կոթի- Բերքաբեր հատվածի բնակավայրերը և դրանց մատույցներում տեղակայված հայկական դիրքերը։ Մեր դիրքապահների համարժեք գործողություններից հետո հակառակորդը առավոտյան ժամը 4,00-ի սահմաններում ստիպված էր դադարեցնել կրակը։  Այս պահին սահմանի այս հատվածում հարաբերական անդորր է տիրում։