Օրվա ընթացքւմ հայ-ազերական սահմանի Կոթի- Ոսկեպար- Բերքաբեր հատվածում հարաբերական անդորր էր տիրում։ Սակայն երեկոյան ժամը 7-ի սահմաններում հակառակորդը սկսեց ակտիվ կրակ վարել տարբեր տեսակի կրակային միջոցներից՝ սկսած խոշոր տրամաչափի գնդացիրներից մինչև ականանետներ և թեթև հրետանի։ Մեր դիրքապահների ակտիվ կրակով մոտ երկու ժամ տևած փոխհրաձգությունից հետո հաջողվեց լռեցնել հակառակորդին Ոսկևան-Ոսկեպար հատվածում։ Մնացած բնակավայրերի ուղղությամբ փոխհրաձգությունը շարունակվում է։ Հակառակորդի կողմից ակտիվ գնդակոծության էին ենթարկվում Կոթի և Բերքաբեր գյուղերը։ Բնակիչների վկայությամբ Կոթիում հրդեհվել է խոտի դեզ։ Միաժամանակ հակառակորդը կրակ էր վարում ավտոմայրուղու Սարիգյուղ- Ծաղկավան հատվածի ուղղությամբ, որի պատճառով մայրուղին ժամանակավորապես փակ է։ Փոխհրաձգության հետևանքով հրդեհներ է բռնկվել նաև ազերական Կուշչի Այրում և Մազամ բնակավաիրերում։ Ըստ մեր ունեցած տեղեկությունների մեր կողմից մարդկային կորուստներ չկան։ Այս պահի դրությամբ դեռևս ստեպ-ստեպ հնչում են կրակահերթեր խոշոր տրամաչափի գնդացիրներից։