Շփման գծի Կոթի Ոսկեպար- Բերքաբեր հատվածում վերջին օրերին լարվածությունը մեծանում է։ Հակառակորդի կողմից արձակվող ամենօրյա հատուկենտ կրակոցները արդեն վերաճել են ծավալուն գնդակոծությունների։ Երեկ երեկոյան հակառակորդը խոշոր տրամաչափի գնդացիրներից և ականանետերից ակտիվ կրակի տակ էր վերցրել սահմանային դիրքերը, որը կասեցվեց մեր սահմանապահների պատասխան գործողություններից հետո։        Սակայն այսօր՝ կեսօրին մոտ հակառակորդը վերսկսեց ակտիվ կրակ վարել Կոթի- Ոսկևան   ուղղությամբ խոշոր տրամաչափի գնդացիրներից և ականանետերից։ Փոխհրաձգությունը երեկոյան կողմ արդեն ընդգրկել էր նաև Բաղանիս- Ոսկեպար- Բերքաբեր ուղղությունները։ Հակառակորդը խոշոր տրամաչափի գնդացիրներից և ականանետներից շարունակաբար կրակ էր վարում մինչև երկոյան ժամը 22- սահմաններրը։ Այս պահին սահմանի այս հատվածում հարաբերական անդորր է տիրում։ Ըստ բնակիչների վկայությունների Կոթիում վնասվել են բեռնատար ավտոմեքենա և շինությունների տանիքներ։ Մարդկային կորուստներ, փառք Աստծո, չկան։