Նոր ագրեսիա

 Մեկ -երկու օր տևած հարաբերական անդորրը նորից խախտվեց օգոստոսի 5-ի երեկոյան ժամը 23-ի սահմաններում։ Հակառակորդը սկսեց մեր բնակավայրերի վրա՝ Կոթի - Ոսկեպար հատվածում, ինչպես նաև Իջևանի տարածաշրջանի Բերքաբեր գյուղի ուղղությամբ  կրակ վարել խոշոր տրամաչափի գնդացիրներից  ու ավտոմատներից։ Կոթի գյուղի թաղամասերից մեկը բնակիչների վկայությամբ գնդակոծվում էր ,,Շիլկա,, տեսակի գնդացրից։ Մեր դիրքապահները ստիպված էին դիմելու պատասխան գործողությունների։ Ակտիվ, գրեթե անընդմեջ փոխհրածգությունը տևեց մոտ 40 րոպե։ Ժամը 24-ի սահմաններում կրակահերթեր լսվում էին ավելի պասիվ հաճախությամբ։ Չնայած դրան՝ գնդակների սուլոցներ դեռև լսելի էին Ոսկեպարում։ Այս պահին կրակոցները հատուկենտ բնույթ են կրում․․․  Վնասների մասին այս պահին տեղեկություններ չունենք։ 

Հ․Ալավերդյան