Նորից նույն կկուն

 Օգոստոսի 7- ի ուշ երեկոյան՝ ժամը 22,45 -ի սահմաններում ազերական բախտախնդիրները նորից փորձում էին սրել իրավիճակը շփման գծի Ոսկեպարի հատվածում։ Այս անգամ հակառակորդը նշանառության տակ էր առել մայրուղու Ոսկեպար - Բաղանիս հատվածի Ոսկեպարի ս, Աստվածածին եկեղեցու ոլորանը, մասամբ՝ նաև բնակավայրը։

 Դրան ի պատասխան մեր դիրքապահները ստիպված էին դիմել համարժեք գործողությունների։ Մեկ ժամից ավելի տևած փոխհրաձգությունից հետո մազոխիստական տրամաբանությամբ գործող հակառակորդը ստիպված էր տեղի տալ և դադարեցնել կրակը։

 Այս պահին հարաբերական հանգիստը վերականգնված է։ Մայրուղու այս հատվածում անվտանգության նկատառումներով երթևեկությունը կատարվում է Ոսկեպար գյուղով և Հարսնաքարի շրջանցիկ ճանապարհով։

Հ․Ալավերդյան